An kaddamar da taron kasa da kasa na 2026 kan tattalin arziki na dijital, jiya Alhamis a birnin Beijing na kasar Sin. Taron ya samu halartar shugabannin kamfanoni da wakilan ’yan kasuwa da masana daga ciki da wajen kasar Sin, tare da jami’ai na matsayin ministoci daga kasashen Kazakhastan da Colombia da Chad.
Yayin bikin bude taron, Dandalin Kawancen Birane game da Tattalin Arzikin Dijital na Duniya, ya fitar da rahotonsa, wanda ya yi nazarin yadda fasahohin dijital da birane ke tallafawa juna.
Ya kuma jaddada cewa, dole ne fasahohin zamani su zama masu amfanawa mazauna da harkokin kasuwanci da zama masu saukin samu ga al’umma.
Taron wanda zai gudana har zuwa ranar Lahadi, ya kunshi wasu jerin taruka kan batutuwa na musammam da suka shafi fasahar kirkirarriyar basira ta AI, da bunkasa samar da masu ilimin fasahohi, da kuma amfani da fasahohi a bangaren masana’antu. (Fa’iza Mustapha)
