Bankin Stanbic na Uganda, ya kaddamar da tsarin biyan kudi da kudin Sin watau CIPS, domin inganta hada-hadar kudi tsakanin kasashen da rage hadarin musayar kudaden ketare da karfafa dangantakar cinikayya tsakanin kasashen biyu.
Bankin Stanbic na Uganda wanda reshe ne na Rukunin Bankin Standard, ya ce kaddamarwar za ta ba ‘yan kasuwar Uganda damar biyan kudi kai tsaye da kudin Sin renminbi, tare da kawar da bukatar wani takardar kudi a tsakani, haka kuma, za ta inganta sauri da ingancin biyan kudi tsakanin kasashen biyu.
Ministan kula da harkokin cinikayya da masana’antu da hadin gwiwa na Uganda David Bahati, ya ce tsarin CIPS ba wata sabuwar hanyar biyan kudin ba ce kadai, wani muhimmin bangare na dabarun inganta tattalin arziki. (Mai fassara: Fa’iza Mustapha)
