Annobar Ƙwalara Ta Kashe Mutane Biyar, 11 Sun Kamu A Filato

Mutum biyar sun rasa rayukansu sakamakon ɓarkewar cutar ƙwalara a Filato, yayin da hukumomin lafiya suka tabbatar da wasu sun kamu da cutar har su 11 a wasu sassan jihar.

Rahotanni sun nuna cewa annobar ta fara jefa fargaba a tsakanin al’umma, musamman a yankunan da abin ya fi ƙamari.

Hukumar lafiya ta jihar ta ce an fara ɗaukar matakan gaggawa domin daƙile yaɗuwar cutar, ciki har da wayar da kan jama’a kan tsaftar muhalli, da tsaftatace ruwa da kuma muhimmancin garzayawa asibiti idan an ga alamun cutar.

Jami’an lafiya sun bayyana cewa ƙwalara cuta ce mai saurin yaɗuwa ta hanyar gurbataccen ruwa ko abinci, kuma tana haddasa amai da gudawa mai tsanani wanda kan jawo rashin ruwa a jiki cikin ƙanƙanin lokaci.

Mahukunta sun buƙaci mazauna jihar su kula da tsafta, su riƙa wanke hannu akai-akai tare da kauce wa shan ruwan da ba a tabbatar da tsaftarsa ba domin rage yaɗuwar annobar.

Abubakar Sulaiman

Website |  + postsBio

• Abubakar Sulaiman

  Tunisiyya Ta Sallami Kocinta Bayan Shan Kashi 5-1 A Wasan Farko Na Kofin Duniya
• Abubakar Sulaiman

  Kotu Ta Umarci INEC Ta Soke Rajistar ADC Da Wasu Jam’iyyu 4
• Abubakar Sulaiman

  ADC Ta Zaɓi Amaechi A Matsayin Mataimakin Atiku A Zaɓen 2027
• Abubakar Sulaiman

  Farashin Mai Ya Fadi Rigis Bayan Amurka Da Iran Sun Sasanta Kan Mashigar Hormuz