ASUU Ta Ba Gwamnati Sabbin Sharuda Kafin Janyye Yajin Aiki

Kungiyar Malaman jami’a(ASUU) ta sake ba gwamnati wasu sabbin sharuda kafin ta janye yajin aikin da take yi a halin yanzu.

Shugabankungiyar na kasa, Farfesa Emmanuel Osodeke,ya bayyana haka a zantawarsa da gidan talabijin na Channel, wanda kuma ya ce, dole sai gwamnati ta tabbatar musu da adalci kafin su koma bakin aiki.

• Yadda Na Kawo Karshen Yajin Aikin ASUU Cikin Kwana Daya – Jonathan

“Gwamnati, ta gaya mana, ina aka saka makudan kudin da aka ware don bunkasa ilimi? Nawa ne kudin, kuma suna ina? Yaushe za a fito da su?” in ji Osodeke.Osodeke ya kara da cewa,dole gwamnati ta yi cikakken bayanin matsayinta a kan yadda za a warware matsalar UTAS, da tsarin biya ASUU da tsarin biya ta IPPIS.

“Bayan mun kulla yarjejeniya da su, sai suka kasa cika alkawari, kullum sai su fito suna gaya mana, mu kara hakuri,” In ji Osodeke.

“Yajin aiki alama ce da ke nuna cewa, akwai matsala. Duk lokacin da aka warware wannan matsala, babu kuma sauran yajin aiki.”

Inza a iya tuna wa dai, ASUU ta fara yajin aiki tun ranar 14, ga watan Fabrairu, 2022.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu