A makon da ya gabata ne hukumar kula da makamashi ta kasar Sin ta ce zuwa karshen watan Yulin bana, karfin tashoshin samar da lantarki daga hasken rana na kasar ya kai kilowatts biliyan 1.286, wanda a karon farko ya zarce na kwal. Wannan ya sa hasken rana ya zama hanya mafi girma ta samar da lantarki a kasar Sin. Kuma Lantarkin da aka samar daga hasken rana, ya dauki kaso 31.5 na yawan lantarkin da Sin take samarwa.   Hakika kasar Sin ta mayar da makamashin hasken rana da ake ganin mai sarkakiya ne zuwa kashin bayan tsarin samar da makamashi a kasar, haka kuma makamashin da ake iya dogaro da shi. Har kullum kasar Sin na kara nuna wa duniya sabbin dabaru da manufofi da kwarewa, dake kara bayyana cewa, babu abun da ba zai yuwu ba, idan har aka jajirce aka samar da kyakkyawan tsari. Wannan ya alamta wata gagarumar nasara da Sin ta samu a kokarin da take yi na sauyawa zuwa amfani da makamashi mai tsafta da kuma rage fitar da hayakin Carbon mai gurbata muhalli. Bugu da kari, gagarumar nasara ce a shirin raya kasa na shekaru biyar-biyar karo na 15.  Mummunan tasirin sauyin yanayi abu ne da ba ya bambance tsakanin kasashe ko al’ummomi, lamarin da ya sa shi zama wani batu mai muhimmanci da ya shafi daukacin mutanen duniya. Kasar Sin ta dauki batun tunkarar sauyin yanayi da muhimmanci. Don haka ta kowacce fuska tana iyakacin kokarin ganin ta lalubo hanyoyin da za ta rage fitar da hayaki mai guba domin bayar da gudunmawa ga kare muhalli da halittu da samar da duniya mai tsafta.    Tabbas wannan nasara ba ita Sin ba ce kadai, ta duk duniya ce domin za ta kara ba kasashe kwarin gwiwar yin abun da ya kamata na ganin sun samar wa al’ummominsu makamashi mai tsafta da za a iya dogaro da shi, wanda kuma zai bayar da gudunmawa ga kokarin da ake yi na yaki da sauyin yanayi. Hakika ci gaban Sin a wannan bangare, yana nufin kasashe za su kara samun alfanu, domin zuwa yanzu, fasahar kasar Sin a wannan bangare na zama daya daga cikin wadanda ke kan gaba a duniya, inda zuwa yanzu ake gaggauta nazari da samar da ingantattun fasahohin samar da lantarki daga hasken rana da za a fara amfani da su a nan gaba. (Fa’iza Mustapha) 

An watsa shiri na farko na gasar wake-wake ta kasa da kasa ta Silk Road Star karo na 2, wanda...

Za a gudanar da taron tattaunawa kan zuba jari da kasuwanci na sassan kasa da kasa na kasar Sin wato...

An yi taron kara wa juna sani na kasa da kasa kan tunanin Xi Jinping a fannin al’adu karo na biyu jiya Lahadi 6 ga watan nan a birnin Shenzhen na lardin Guangdong da ke kudancin kasar Sin. Taron mai taken “inganta jigon al’adu don zamanantar da kasar Sin”, ya samu halartar wasu kwararru da masana gami da wakilai kimanin 130, daga cibiyoyin nazari da jami’o’in kasar Sin gami da cibiyoyin nazarin tunanin Xi Jinping a fannin al’adu da wayar da kan al’ummar kasar Sin na kasasehn waje.  Mataimakin shugaban sashen yayyata ayyukan kwamitin kolin jam’iyyar kwaminis ta kasar Sin, Hong Dayong, ya gabatar da jawabi a gun bikin kaddamar da taron, inda ya ce, inganta ginshikin al’adu na bukatar zurfafa karatu gami da kara fahimtar tunanin shugaba Xi Jinping a fannin al’adu, da tsayawa ga ayyukan yin kirkire-kirkiren al’adu, gami da karfafa mu’amala da koyi da juna a fannin wayar da kan al’umma, yayin da ake ci gaba da nazari da kuma gadon tarihi da al’adun al’ummar kasar Sin. (Murtala Zhang) 

A yau Litinin ne firaministan kasar Sin Li Qiang, ya gana da firaminista, kana ministan harkokin wajen kasar Qatar Sheikh...

Ma’aikatar ayyukan gaggawa da ceton jama’a ta kasar Sin, ta ce an tura masu aiki ceto sama da 2,500 zuwa...

Albarkacin kaddamar da taron kungiyar hadin gwiwa ta Shanghai ko SCO na shekarar nan ta 2026, wanda aka bude a...

Dakarun sojojin sama na kasar Sin, za su halarci bikin nune-nunen jiragen sama na kasa da kasa wanda zai gudana a kasar Masar. Wata sanarwa da rundunar ‘yantar da al’umma ta kasar Sin ko PLA ta fitar a yau Lahadi, ta ce za a aike da nau’o’in jiragen sama daban daban, wajen bikin nune-nunen da za a yi tun daga ranar Talata 8 zuwa Alhamis 10 ga watan nan na Satumba.   Sanarwar ta kara da cewa, cikin jiragen da za a tura har da na yaki, da masu gabatar da gargadin gaggawa, da masu karawa jirage mai a sararin sama, da kuma masu saukar ungulu.   Wannan ne karo na biyu da za a gudanar da wannan bikin nune-nunen jiragen sama, a filin jirgin saman kasa da kasa na El Alamein, bayan gudanar irinsa na farko a shekarar 2024. A yayin bikin nune-nunen na farko ma jiragen sojin saman kasar Sin sun shiga an dama da su, inda jiragen yaki samfurin J-10, da wani jirgin samfurin Y-20, babban jirgin dakon kayayyaki mafi girma kirar kasar Sin suka gudanar da atisaye.  A bana ake cika shekaru 70 da kulla huldar diflomasiyya tsakanin Sin da Masar, kuma sassan biyu sun gudanar da jerin ayyukan musaya tsakanin kasashen biyu. A watan da ya gabata, rundunonin sojin saman kasashen biyu, sun kaddamar da jerin atisaye bisa taken "Eagles of Civilization-2026" a kasar Masar.    (Saminu Alhassan) 

Da safiyar yau Lahadi ne jirgin kasa mai matukar sauri, mai lamba G3998, ya tashi daga tashar Ruijin zuwa birnin...

A gundumar Gyirong ta birnin Xigaze a jihar Xizang mai cin gashin kanta ta kasar Sin, inda ibtila’in zaftarewar kasa...