A ranar Juma’ar da ta gabata, aka kaddamar da Kimi K3, wani samfurin kirkirrarriyar basira ta AI da kamfanin Moonshot...

Alkaluma daga ma’aikatar raya masana’antu da fasahohin sadarwa ta kasar Sin, sun nuna yadda kasar ta cimma nasarar kera daukacin...

An kaddamar da Kimi K3, wani samfurin kirkirrarriyar basira ta AI da kamfanin Moonshot AI na kasar Sin ya samar, a ranar Juma’ar da ta gabata, wanda ya zama wata sabuwar nasara a fannin raya AI mai budadden tsari.  A cewar kamfanin Moonshot AI, Kimi K3 mai kididdigar koyo triliyan 2.8, ya zama samufurin AI mai budadden tsari mafi girma a duniya. Haka kuma, samfurin ya nuna matukar kwazo a fannonin nazari da dama, inda ya zama cikin tsare-tsaren AI da ke kan gaba a duniya.  Sa’o’i kalilan bayan fitar da shi, Kimi K3 ya kai matsayi na 1 cikin jerin AI mafiya inganci na Arena Rankings, inda ta zama fasahar AI ta kasar Sin ta farko da ta kai matsayi na 1 a dandalin mai tasiri. Masu nazari a masana’antar AI sun ce wannan nasara ba ci gaban fasaha kadai take nunawa ba, har da karuwar rawar da bayyana komai ke takawa da hadin gwiwa da samar da muhallin raya makomar fasahar AI a duniya. (Fa’iza Mustapha) 

Tawaga ta 27 ta jami’an lafiya ta Sin a Saliyo, ta kaddamar da shirin horar da ma’aikatan jinya ko nas-nas dabarun likitancin gargajiya na Sin, wanda ya hada lakcoci daga masanan Sin ta hanyar na’urori da kuma wadanda jami’an lafiya na Sin da ke kasar za su gabatar kai tsaye, domin karfafa karfin tsarin kiwon lafiya a kasar.   Ma’aikatan jinya sama da 40 ne suka halarci lakca ta farko da ta gudana ranar Asabar a cibiyar kiwon lafiya daga nesa, watau Telemedicine Centre da ke asibitin abota na Sin da Saliyo da ke birnin Freetown.  Shirin wanda aka tsara karkashin cibiyar horar da ma’aikatan jinya ta Sin da Saliyo, ta hada da koyarwa daga masana lafiya na Sin da ke lardin Hunan da kuma nune-nune da koyarwa daga tawagar jami’an lafiya na Sin da ke Saliyo.  Domin shawo kan karuwar matsalolin ciwon wuya da kafada da mahadar kasusuwa, wata tawagar jami’an lafiya ta nuna yadda ake jinya ta hanyar dabarar nan ta sossoka allura ta Fu, watau acupuncture ta zamani.  Tawagar ta ce za ta ci gaba da bayar da horo cikin harsuna biyu ta hanyar cibiyar Telemedicine domin ganin dorewar kwarewar ma’aikatan jinya da fadada ingancin hidimomin maganin radadin ciwo a fadin Saliyo. (Mai fassara: Fa’iza Mustapha) 

Wani sakamakon binciken ra'ayin jama'a da cibiyar bincike ta Pew ta fitar a watan Yuli ya bayyana cewa, mutanen kasashe...

A ranar Lahadi 19 ga watan Yuli na shekarar 2026 aka buga wasan karshe na gasar kofin Duniya na shekarar...

Dakarun Operation Hadin Kai sun kama wani ɗan ƙasar Sudan mai shekaru 32, Musa Fashir, da wata ’yar ƙasar Ghana...

Wani matashi mai shekara 13 ya rasu, yayin da wasu da dama suka jikkata sakamakon rugujewar wani abun hawa a...

Kyaftin ɗin tawagar Faransa kuma ɗan wasan gaba na Real Madrid, Kylian Mbappé, ya zama ɗan wasan da ya fi...

An kaddamar da babban taro na duniya kan fasahar kirkirarriyar basira wato AI, wanda kuma shi ne taron inganta tsarin shugabancin duniya a bangaren amfani da AI a birnin Shanghai na gabashin kasar Sin jiya Asabar 18 ga watan nan, inda wakilai da dama na gwamnatocin kasa da kasa suka tattauna kan batutuwa daban-daban, ciki har da tinkarar kalubalen da tsarin shugabancin duniya a bangaren AI ke fuskanta, da taimakawa fasahar AI ta amfani kowa, da kuma magance hadurran tsaro da AI ka iya haifarwa.  Mahalarta taron sun ce, ko AI za ta amfani kowa da kowa ko kuma a’a, ya danganta ne da ko za a iya aiwatar da ra’ayin cudanyar mabambantan bangarori a duniya, da kuma fatali da akidar nuna fin karfi.    Kazalika, tabbatar da tsaron amfani da fasahar AI a tsarin shugabancin duniya, muhimmin batu ne da aka tattauna a gun taron, inda mahalarta suka ce, wasu samfuran fasahar AI ta zamani na nuna kwarewa sosai. Idan an yi amfani da su ta hanyar da ba ta dace ba, za a haifar da hadari ga tsaron kasa da kasa.  Kasar Sin ta kuma yi kira a gun taron da a goyi bayan rawar a-zo-a-gani da tsarin kula da harkokin AI na Majalisar Dinkin Duniya ke takawa, da dukufa wajen kara samar da hidimomi ga kasa da kasa, da taimaka wa kasashe masu tasowa inganta kwarewarsu, da kokarin kafa wani ingantaccen tsarin shugabancin duniya a bangaren AI mai samun amincewar kowa da kowa, kuma manyan kasashe su ci gaba da daukar nauyi, kiran da ya samu goyon-bayan mabambantan bangarori. (Murtala Zhang)