Nijeriya Da Ghana Na Sahun Gaba A Shafukan Zamba Miliyan 3.7 Da Meta Ya Rufe

Nijeriya da Ghana sun shiga cikin jerin ƙasashen da aka mayar da hankali a kansu bayan wani aikin binciken na’ura na ƙasa da ƙasa da aka gudanar kan masu damfara ta intanet a Afirka ta Yamma, wanda ya sa kamfanin Meta ya rufe shafuka miliyan 3.7 daga Facebook da Instagram.

Aikin ya haɗa da hukumomin tsaro da na tabbatar da bin doka daga ƙasashe 10, tare da kamfanonin fasaha 15. Sakamakon aikin ya haɗa da kama mutane 28, gano wuraren da ake zargin ana gudanar da damfara sama da 30, da kuma ceto mutane 117 da aka yi safarar su a Ghana.

Hukumar Yaƙi da Laifuka ta Ƙasa ta Birtaniya (NCA) ce ta jagoranci aikin, tare da haɗin gwiwar Ma’aikatar Shari’a ta Amurka (DOJ) da Hukumar Binciken Manyan Laifuka ta Tarayya ta Amurka (FBI).

An gudanar da samamen ne domin murƙushe hanyoyin sadarwar masu aikata laifuka da ke gudanar da ayyukansu a sassa daban-daban na Afirka ta Yamma.

Sulaiman

+ postsBio

• Sulaiman

  An Gudanar Da Taron Tattaunawa Mai Jigon “Jagorancin Kasar Sin Da Ci Gaban Duniya” A Kuwait
• Sulaiman

  Gwamnan Zamfara Ya Raba Motoci 300 Da Babura 2,000 Ga Ƙungiyoyi Da Ɗaiɗaikun Mutane A Gusau
• Sulaiman

  Wang Huning Ya Yi Kira Ga Mabiya Addinin Dao Su Ba Da Gudunmuwa Ga Gina Al’umma Mai Makoma Ta Bai Daya Ga Dan Adam
• Sulaiman

  Ra’ayin Sin Game Da Kimiyya Da Fasaha: Bude Kofa Ga Juna Da Kuma Amfanar Da Kowa