Tsohon gwamnan Jihar Abia, Orji Uzor Kalu, ya karyata rahotonnin da kafafen yaɗa labarai suke yadawa na cewa an nada shi darakta-janar na gangamin yakin kamfen din Ahmad Lawan na neman Shugabancin Kasa.
Rahotonnin da aka yada a ranar Alhamis sun nuna cewa an nada ni (Chief whip) na Majalisar Dattawa da wasu masu ruwa da tsaki a kwamitin yakin neman zaben Ahmad Lawan.
Da ya ke maida martani kan wannan batun a wata sanarwar da ya fitar Kuma ya raba wa manema labarai a daren ranar Alhamis, ya karyata rahoton gaba daya, ya ce jerin sunayen kwamitin yakin zaben da ake yadawa babu gaskiya a cikinsa.
ADVERTISEMENT
Kalu ya roki al’umma da su yi watsi da rahotonnin na cewa cewa an nadashi daraktan yakin kamfen din Ahmad Lawan.
