#Karfin Tunani # Nazari dangane da sabbin tunanin shugaba Xi JinpingShekara ta 2026 ita ce ta cika shekaru 105 da kafuwar jam’iyyar kwaminis ta Sin, JKS. Mutane da yawa suna mamakin cewa, ta yaya wata karamar jam’iyya mai kunshe da mambobi 50 kacal a lokacin da aka kafa ta, ta iya jagorantar al’ummar Sin cikin shekaru fiye da dari, suna gwagwarmaya, suna samun ci gaba mai ban al’ajabi dake girgiza dukkanin fadin duniya? Ana iya samun amsa daga babban taron wakilan JKS karo na farko da aka kammala yau shekaru 105 da suka gabata, a wani jirgin ruwa mai launin ja, a kan tafkin Nanhu na birnin Jiaxing na lardin Zhejiang (Sakamakon mawuyacin hali da ake ciki da tashen hankali a lokaci ya sa wajibi a gudanar da taron a cikin jirgin ruwa a watan Yulin shekarar 1921).
A lokacin ne aka kafa mafarin tunanin JKS, wanda shugaba Xi ya takaita a matsayin “babban ruhin kafa jam’iyyar”, kuma ya tabbatar da “tushen ruhin JKS” . Wannan shi ne amsar wannan tambaya, wato “dalilin da ya sa JKS ta iya samun gagarumar nasara”, kuma muhimman ginshikan wannan tushen, duk da cewa sun wuce karni guda, har yanzu ba su taba canzawa ba, wato rike manufa, da ka’ida, da yi wa jama’a hidima.
Tun daga sadaukarwa a zamanin juyin juya hali zuwa “kaucewa barin kowa a baya ” a kan hanyar kawar da talauci. Kana tun daga gina tsarin masana’antu na kasa daga hali mafi talauci zuwa fasaha mai zamani da ta karya shingen kasashen waje, dukkan matakan da Sin ta dauka na da zummar bautawa al’ummar Sin don su more rayuwa mai kyau.
Shekaru 105 sun shude, abubuwan da aka kafa a wancan kwale-kwale sun zama fitilar da ke haskaka hanyar da Sin za ta bi a nan gaba. (Amina Xu)q
