Bai Kamata Jami’an Gwamnati Su Yi Amfani Da Motocin Da Ba A Hada Su A Nijeriya Ba – Kingibe

Sanata mai wakiltar babban birnin tarayya Abuja, Ireti Kingibe, ta ce ya kamata jami’an gwamnati su rika amfani da motocin da aka hada a Nijeriya kadai.

Ta bayyana ra’ayinta da cewa, yin hakan zai shawo kan koke-koke da jama’a ke yi na tsadar rayuwa da tabarbarewar tattalin arzikin da ‘yan Nijeriya ke fuskanta.

• Badakalar Kudade: Kotu Ta Yanke 30 Ga Agusta Don Yanke Hukunci Kan Zargin Da Ake Yi Wa Matawalle

Sanata Kingibe, ta bayyana hakan ne a wani shirin ‘Siyasar mu a yau’ a daren Laraba wanda gidan talabijin na Channels ke shirya wa. inda ta kara da cewa “ba za mu iya ci gaba da rayuwa a haka ba.”

Da aka tambaye ta, ko me za ta kawo sabo don shawo kan kalubalen da ‘yan Nijeriya ke fuskanta, Kingibe ta ce, “Zan nananta kudurina cewa duk motocin gwamnati a hada su a Nijeriya. Hakan zai taimaka matuka wajen inganta samar da kayayyaki a Nijeriya.

“Kamar misalin kamfanin Volkswagen da Peugeot, da kuma ma Toyota, za mu iya janyosu su kafa masana’antar hada Motocinsu a nan Nijeriya.”

Sanatar ta kara da cewa, sam bai kamata ba a shigo da wasu kayayyaki Nijeriya kamar irin su tumaturin gwangwani.

Sulaiman

+ postsBio

• Sulaiman

  Katsina: Kotu Ta Yanke Wa Hauwa’u Hukuncin Kisa Ta Hanyar Rataya Kan Taimaka Wa ’Yan Bindiga
• Sulaiman

  Mata Ta Hallaka Mijinta Da Wuƙa Watanni Biyu Bayan Aure A Kano
• Sulaiman

  An Kaddamar Da Wani Kwas Na Horar Da Kwararru Kan Killace Kananan Makamai Na Sin Da MDD Da Afirka 
• Sulaiman

  Mataimakin Firaministan Sin Zai Halarci Babban Taron Shugabanni Game Da Barkewar Cutar Ebola