An ci gaba da samun bunkasar bukatar jigilar kayayyaki a Sin cikin rubu’i 3 na farko na bana, saboda daukakawa da juriyar bangare kere-kere masu inganci.
Alkaluma daga cibiyar kula da harkokin sayayya da jigila ta kasar Sin, ta ce jimilar darajar jigilar kayayyaki ta kai yuan triliyan 280, kimanin dala triliyan 41.7, tsakanin watan Junairu zuwa Satumba, adadin da ya karu da kaso 4.9 a mizanin shekara-shekara.
Cikin watanni 9 na farkon bana, darajar kayayyakin masana’antu da aka yi jigilarsu ta karu zuwa kaso 5.3 a mizanin shekara-shekara, wadda ta bayar da gudunmuwar kaso 78 ta jimilar karuwar da bangaren.
A cikin ci gaban da aka samu, kere-keren injunan aiki da kayayyakin fasaha sun taka muhimmiyar raya, inda suka samu karuwar kaso 37.6 da 18.3.
Adadin sabbin kayayyaki kamar agogo mai fasahar zamani da aka yi jigila ya karu da kaso 77.1, na injunan buga kayayyaki na 3D ya kai kaso 62.5, yayin da na na’urorin sensor ya kai kaso 16.4 a mizanin shekara-shekara, wanda ya nuna saurin karkata ga sabbin bukatun jigila a bangaren masana’antu.Raya bangaren jigila mai inganci zai bayar da goyon baya mai karfi ga farfadowar bangaren tattalin arziki da ba na hada-hadar kudi ba, da kuma bayar da damar cimma dukkan burikan raya tattalin arziki da zamantakewa na shekara. (Fa’iza Mustapha)
