Bankwana Da Gwamnatin Buhari: Hukumar Tsaron Cikin Gida Ta Kara Wa Jami’ai 17,331 Matsayi

Hukumar Tsaro ta cikin gida (Civil Defence, Gandirob , Kashe Gobara da Hukumar Kula da Shige da Fice (CDCFISB)) ta amince da karin girma ga jami’ai 17,331.

Sakataren CDCFIB, Ja’afaru Ahmed ne ya bayyana karin girma ga manyan jami’an gudanarwar a cikin wata sanarwa da ya fitar a ranar Lahadi, wanda ya bayyana cewa adadin sunayen da aka fitar na karin girma ne na shekarar 2022.

• Buhari Ya Nada Sha’aban Mukamin Babban Sakataren Hukumar Kula Da Almajirai Ta Nijeriya

A takaice, daga cikin jami’ai 17,331 da suka samu karin girma, 8,365 a Hukumar Kula da gidan gyara hali (NCoS), 3,472 a Hukumar Kula da Shige da Fice ta Kasa (NIS), 327 a Hukumar Kashe Gobara ta Tarayya (FFS) sai 5,167 a Hukumar tsaron farin kaya ta Nijeriya (NSCDC).

A cewar sanarwar, Ministan harkokin cikin gida kuma shugaban hukumar, Ogbeni Rauf Aregbesola, ya bayyana karin girman ga jami’an a matsayin wata kyauta ta bankwana da gwamnatin mai barin gado, ya kara da cewa an amince da karin girman ne bisa la’akari da cancantar jami’an.

Sulaiman

+ postsBio

• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu
• Sulaiman

  Sin Ta Tsara Bunkasa Darajar Cinikayyar Kayayyaki Zuwa Yuan Tiriliyan 60 Yayin Shirin Raya Kasa Na Shekarar 2026 Zuwa 2030