Bikin Sallah: Kungiyar CAN Ta Yi Kira Kan Hadin Kai, Zaman Lafiya, Soyayya  Domin Ci Gaban Nijeriya

Kungiyar kiristoci ta Nijeriya CAN ta yi kira ga daukacin ‘yan Nijeriya da su rungumi zaman lafiya, hadin kai da kaunar juna, tana mai jaddada cewa, Nijeriya za ta iya kaiwa ga kololuwar nasara idan ‘yan Nijeriya suka yi watsi da bambance-bambancen da ke tsakanin su, suka hada kai don gina kasa mai daraja, hadin kai, da dimbin arziki. 

Shugaban CAN, Archbishop Daniel Okoh ne ya yi wannan kiran a ranar Talata a sakonsa na Sallah domin taya al’ummar Musulmin Nijeriya murnar bikin Babbar Sallah (Eid-el-Kabir).

• Mahajjatan Nijeriya Sun Yi Wa Ƙasa Addu’o’i Na Musamman A Filin Arfa

A cewar shugaban kungiyar ta CAN, Hedikwatar kungiyar ta kiristoci ta bi sahun al’ummar musulmi wajen tunawa da kimar sadaukarwa, soyayya, da biyayya da wannan rana ke wakilta.

“Muna sake yi wa ‘yan uwa musulmi barka da Sallah (Eid-el-Kabir) tare da addu’ar Allah Madaukakin Sarki ya ci gaba da baiwa al’ummarmu zaman lafiya da hadin kai da kuma wadata,” inji shi.

Sulaiman

+ postsBio

• Sulaiman

  Sin Na Fatan Amurka Za Ta Dakatar Da Furta Karairayi Da Nufin Bata Mata Suna
• Sulaiman

  Sin Ba Ta Taba Janyewa Wata Kasa Tsani Ba
• Sulaiman

  Xi Ya Aike Da Gaisuwa Albarkacin Ranar Malamai Yana Mai Kira Da A Samar Da Matasa Masu Hazaka Domin Kara Farfado Da Kasa
• Sulaiman

  Renon Matasa A Kan Kyakkyawar Turba Ginshiki Ne Na Gina Kasa