Ta yaya za a tabbatar da cewa amfanin sabbin kirkire-kirkiren kimiyya da fasaha ba su makale cikin dan gajeren zafin nema na masu saka hannun jari da hayaniyar kafafen yada labarai ba, kuma su zama tushen dorewar ci gaban samar da kayayyaki da ayyuka? Taron dandalin Davos na lokacin zafi da ake gudanarwa a halin yanzu a birnin Dalian na lardin Liaoning ya bayar da amsa wadda ita ce, dora kirkire-kirkire a kan sikeli.
Wani binciken jin ra’ayoyin jama’a ta shafin intanet da CGTN ta gudanar ya nuna cewa kashi 93.4% na masu amsa tambayoyi daga sassa daban-daban na duniya sun yi imanin cewa, katafariyar kasuwar kasar Sin mai fadin gaske da kuma yawan fannoni daban-daban wacce take iya gyara zama a duk lokacin da yanayi ya sauya, tana samar da fage mai fadi na gwajin sabbin fasahohi da kuma fara cinikayyarsu.An fitar da sakamakon binciken ne a shafukan CGTN na Ingilishi, da Spaniyanci, da Faransanci, Larabci da Rashanci, inda masu amfani da intanet 5,913 suka kada kuri’a tare da bayyana ra’ayoyinsu cikin sa’o’i 24 kacal. (Mai fassara: Abdulrazaq Yahuza Jere)
