Boko Haram Ta Amince Da Sakin Mata Da Yara 50 Da Aka Sace A Borno Bisa Wasu Sharuɗɗa — BOSYA

Ƙungiyar Boko Haram ta amince da wani tsari da aka gabatar domin yiwuwar sakin mata da yara 50 da ta sace daga Ngoshe a Jihar Borno, kuma aka tsare tsawon makonni ana tattaunawa da shiga tsakani.

Wata ƙungiya mai suna Borno South Youth Alliance (BOSYA) ce ta bayyana hakan a cikin wata sanarwa da ta wallafa a shafinta na Facebook da aka tabbatar da sahihancinsa a ranar Talata.

BOSYA ta ce an samu wannan ci gaba ne bayan “tattaunawa masu zurfi da taka-tsantsan” da aka yi da ɓangaren ƙungiyar da ake kira Jama’atu Ahlis Sunna Lidda’awati wal-Jihad (JAS).

“Ƙungiyar BOSYA na sanar da ‘yan Nijeriya da al’ummar Kudancin Borno cewa, bayan dogon lokaci na tattaunawa da shiga tsakani cikin taka-tsantsan, JAS (Boko Haram) ta amince da wani tsari da aka gabatar domin yiwuwar sakin mata da yara 50,” in ji ƙungiyar.

BOSYA ta kuma yaba wa Rundunar Sojin Nijeriya bisa rawar da take takawa wajen ƙoƙarin tabbatar da ‘yantar da waɗanda aka sace

Sulaiman

+ postsBio

• Sulaiman

  Gwamna Lawal Ya Yi Alƙawarin Bayar Da Ƙarin Tallafi Ga Jami’an Tsaro A Zamfara
• Sulaiman

  Salon Jagorancin Kasar Sin Na Ingiza Samar Da Ci Gaba Mai Nagarta
• Sulaiman

  Dangote Ya Rage Farashin Fetur Zuwa N1,125 Kan Kowace Lita
• Sulaiman

  Adadin Injunan Samar Da Wutar Lantarki Da Sin Ya Wuce Kilowatts Awa Biliyan 4, Wato Ya Kai Ga Matsayi Na Farko A Duniya