An Tabbatar Da Mutuwar Mutane 33 Bayan Ɓarkewar Cutar Sanƙarau A Sokoto

Gwamnatin Jihar Sokoto ta tabbatar da mutuwar yara 33 sakamakon barkewar cutar sankarau a wasu sassan jihar.

Kwamishinan Lafiya na jihar, Dakta Faruk Abubakar, ne ya bayyana hakan a ranar Laraba yayin wani taron wayar da kai da hakimai da kungiyoyin SARMAAN MNTE.

Hukumar Bunƙasa Kiwon Lafiya a Matakin Farko ta jihar ce ta shirya taron tare da haɗin gwiwar ƙungiyar Sightsavers da gidauniyar Chigari.

A cewar kwamishinan, an samu rahoton mutane 256 da ake zargin sun kamu da cutar a ƙananan hukumomi takwas na jihar tun bayan sake ɓullar cutar kusan wata guda da ya gabata.

Jaridar Daily Trust ta ruwaito cewa mazauna ƙauyen Kurawa da ke ƙaramar hukumar Sabon Birni su suka fara sanar da zargin ɓarkewar cutar, wadda suka ce ta fi shafar yara da matasa.

Majiyoyi daga cibiyar lafiya ta ƙauyen sun kuma shaida cewa lamarin ya ƙara muni, inda ake samun mace-mace tsakanin mutum biyu zuwa uku a kullum, galibi tsakanin masu shekaru biyu zuwa 20.

Sulaiman

+ postsBio

• Sulaiman

  Ya Kamata Sin Da Birtaniya Su Yi Aiki Tare Don Ci Gaba Da Inganta Dangantakarsu
• Sulaiman

  Firaministan Sin Ya Jaddada Muhimmancin Kara Azamar Bunkasa Kirar Kayayyakin Aikin Masana’antu Na Zamani
• Sulaiman

  Gombe Ta Zabge Farashin Taki Da Kashi 50 Cikin 100
• Sulaiman

  Wang Yi Ya Gana Da Babban Sakataren Majalisar Tsaron Masar Da Ministan Fadar Gwamnatin Afirka Ta Kudu A Indiya