Buhari Ya Bukaci Majalisa Ta Amince Da Nadin Ariwoola A Matsayin Alkalin Alkalai Na Kasa

Majalisar dattawa ta samu takardar bukatar shugaban kasa Muhammadu Buhari a hukumance na tabbatar da sunan Mai shari’a Olukayode Ariwoola a matsayin babban alkalin alkalan Nijeriya (CJN).

Bukatar na kunshe ne a cikin wata wasika mai kwanan wata, Litinin 25 ga watan Yuli, 2022, wacce kuma shugaban majalisar dattawa, Ahmad Lawan, ya karanta a farkon zaman majalisar a ranar Talata.

• Fasinjojin Jirgin Kasan Abuja-Kaduna Sun Roki Manyan Kasashen Duniya Su Kawo Musu Dauki 

LEADERSHIP ta ruwaito cewa nadin da shugaban Kasa Buhari ya yi wa Mai Shari’a Ariwoola a matsayin mukaddashin Alkalin alkalan, ya biyo bayan murabus din tsohon Alkalin Alkalan Nijeriya Muhammad Tanko ne yayi a ranar 27 ga watan Yunin 2022.

Murabus din Tanko dai ya biyo bayan zanga-zangar da wasu alkalai 14 suka yi ne kan korafin su na cewa, wai Tanko ya hana musu hakkokin su na walwala.

Sai dai kuma, tsohon Alkalin alkalan, a cikin wasikar dalilin murabus din nasa, ya bayyana cewa, yana fama da jinya ne.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi