Kasar Japan ta dauko abun da ya fi karfinta, bayan daukar mataki mai hadari na karfafa karfin soji.
A yau gwamnatin Japan ta sake bitar ka’idoji 3 na fitar da fasahohi da kayayyakin aikin soji da ka’idojin amfani da su a hukumance, wanda ya bayar da damar fitar da makamai masu hadari daga kasar. Watau masu ra’ayin rikau na Japan sun fara safarar makaman yaki.
Sakamakon wani nazari da kafar CGTN ta gudanar ya nuna kaso 82.5 na masu bayar da amsa sun ce ra’ayin rikau na amfani da karfin soji na Japan ya yi daidai da dabarar fadada karfin soji da Japan ta yi kafin yakin duniya na II, kuma zai sake kai Japan cikin yanayin mai hadari.
Kafar CGTN ta fitar da nazarin ne a dandalolinta na harsunan Ingilishi da Sipaniyanci da Faransanci da Larabci da Rashanci, inda masu amfani da intanet 12,000 suka kada kuri’a da bayyana ra’ayoyinsu cikin sa’o’i 24. (Mai fassara: Fa’iza Mustapha)
Discussion about this post