Da Dumi-Dumi: Ganduje Ya Zama Shugaban Jam’iyyar APC Na Kasa

An zabi tsohon gwamnan Jihar Kano, Abdullahi Ganduje a matsayin shugaban jam’iyyar APC na kasa.

Ya gaji Sanata Abdullahi Adamu, wanda ya yi murabus bisa wasu rigingimu a watan jiya.

• Shugabancin APC: NEC Za Ta Bayyana Matsayar Ganduje A Yau
• Fitaccen Malamin Musulunci Dokta Ismail Surty, Ya Rasu A Birtaniya

An zabi Ganduje ne a taron kwamitin zartaswa na kasa karo na 12 da aka gudanar a Abuja.

Leadership Hausa ta ruwaito yadda Shugaba Bola Tinubu ya nuna sha’awar Ganduje ya gaji Adamu.

An kuma tabbatar da tsohon kakakin majalisar dattawa, Ajibola Bashiru a matsayin sakataren jam’iyyar na kasa.

Baya ga Tinubu, mataimakin shugaban kasa Kashim Shettima, gwamnoni da jiga-jigan jam’iyyar da dama sun halarci taron na NEC.