Da Dumi-Dumi: Shugaban Jam’iyyar APC Na Ekiti Ya Rasu

Shugaban Jam’iyyar APC na Jihar Ekiti, Paul Omotoso ya rasu.

‘Yan uwan haifaffen dan siyasa ne, suka sanar da cewar ga rasu da sanyin safiyar Laraba bayan gajeriyar rashin lafiya.

• Za A Fara Amfani Da Kimiyyar Zamani Wajen Yaƙar ‘Yan Bindiga – Ministan Tsaro
• Bai Kamata Jama’a Su Tsorata Da Bullar Zazzabin Lassa A Adamawa Ba – Kwamishinan Lafiya

Kafin rasuwarsa ya halarci tarukan siyasa a jihar, amma ya koka kan rashin lafiyarsa a ranar Talata da ta sa aka garzaya da shi asibitin gwamnati da ke babban birnin jihar, inda daga baya ya rasu.

Idan dai za a iya tunawa, a watan Yulin, 2023 ne wasu ‘yan bindiga suka yi garkuwa da marigayin, inda daga baya suka sake shi tare da wasu bayan shafe kwanaki biyar a wajensu.

Rasuwar Omotoso na zuwa ne, bayan rasuwar shugaban jam’iyyar PDP na Jihar Ondo, Fatai Adams, wanda ya rasu a tsakiyar watan Fabrairu.