Wani jami’i ya bayyana a yau Litinin cewa, ana sa ran jimillar darajar hatsin da za a noma a masana’antar hatsi ta kasar Sin za ta zarce yuan tiriliyan 4.5, watau dala biliyan 666.8, a yayin aiwatar da shirin ci gaban kasa na shekaru biyar-biyar karo na 15 a tsakanin shekara ta 2026 zuwa ta 2030.
Shugaban hukumar kula da abinci da tsare-tsaren adanawa ta kasa, Liu Huanxin, ya bayyana a wani taron manema labarai cewa, sashen noma hatsi zai inganta cimma bukatun mutane a bangaren samun abinci mafi kyau, da gina jiki, da kuma lafiya.
A shekarun baya-bayan nan, masana’antar hatsi ta kasar Sin ta ci gaba da samun bunkasa ba tare da tangarda ba, inda jimillar darajar hatsin da kamfanonin masana’antar suka noma ta karu daga yuan tiriliyan 3 a karshen shirin ci gaban kasa na shekaru biyar-biyar karo na 13 (a tsakanin 2016 da 2020), zuwa sama da yuan tiriliyan 4 a karshen shirin karo na 14, watau a tsakanin 2021 zuwa 2025.
Liu ya kuma ce duk da kwan-gaba-kwan-baya da ake samu a kasuwar hatsi ta duniya a halin yanzu, kasuwar hatsi ta kasar Sin ta ci gaba da kasancewa cikin kwanciyar hankali gaba daya kuma an samu tabbaci sosai a bangaren kiyaye wadatar abinci na kasar. (Abdulrazaq Yahuza Jere)
Darajar Hatsin Da Za A Noma A Kasar Sin Za Ta Zarce Yuan Tiriliyan 4.5 A Tsakanin 2026 Zuwa 2030Daga CMG HausaWani jami’i ya bayyana a yau Litinin cewa, ana sa ran jimillar darajar hatsin da za a noma a masana’antar hatsi ta kasar Sin za ta zarce yuan tiriliyan 4.5, watau dala biliyan 666.8, a yayin aiwatar da shirin ci gaban kasa na shekaru biyar-biyar karo na 15 a tsakanin shekara ta 2026 zuwa ta 2030.Shugaban hukumar kula da abinci da tsare-tsaren adanawa ta kasa, Liu Huanxin, ya bayyana a wani taron manema labarai cewa, sashen noma hatsi zai inganta cimma bukatun mutane a bangaren samun abinci mafi kyau, da gina jiki, da kuma lafiya.A shekarun baya-bayan nan, masana’antar hatsi ta kasar Sin ta ci gaba da samun bunkasa ba tare da tangarda ba, inda jimillar darajar hatsin da kamfanonin masana’antar suka noma ta karu daga yuan tiriliyan 3 a karshen shirin ci gaban kasa na shekaru biyar-biyar karo na 13 (a tsakanin 2016 da 2020), zuwa sama da yuan tiriliyan 4 a karshen shirin karo na 14, watau a tsakanin 2021 zuwa 2025.Liu ya kuma ce duk da kwan-gaba-kwan-baya da ake samu a kasuwar hatsi ta duniya a halin yanzu, kasuwar hatsi ta kasar Sin ta ci gaba da kasancewa cikin kwanciyar hankali gaba daya kuma an samu tabbaci sosai a bangaren kiyaye wadatar abinci na kasar. (Abdulrazaq Yahuza Jere)
