Daga mutum-mutumin inji masu siffar bil’adama, zuwa fasahar hada kwakwalwa da na’ura ko “brain-computer interface”, da fasahar quantum, har zuwa karin ci gaban binciken fasahar 6G, dandalin Zhongguancun da aka gudanar kwanan nan a nan Beijing ya nuna sakamakon fasaha na zamani fiye da 560, wanda ya baiwa mutane damar gano ci gaban masana’antar fasaha ta zamani.
Dangane da haka, shugaba kuma wanda ya kafa kamfanin Haigu Science and Technology Innovation na Italiya Vincenzo Lipardi, ya bayyana cewa, “Wannan dandali ya zama taga mai tasirin gaske ga duniya a bangaren kirkire-kirkire. Muna iya ganin cikakken yanayin ci gaban wannan babbar kasa wato Sin daga wannan taga.”
A nasa bangare kuwa, shugaban hadin gwiwa na kwamitin bayanai na duniya, da kwamiti mai kula da manufofin bayanai na kimiyya da fasaha na duniya ko CODATA Hussein Sherief, ya ce, “Wannan shi ne karo na farko da na halarci wannan dandali, kuma abin da ya ba ni mamaki shi ne, Sin ta nuna babban karfi, da fifikonta na mallakar ikon kirkire-kirkire da karfin masana’antu. Sin tana da kyakkyawar manufa ga duk wani ra’ayi na kirkire-kirkire, kuma manufar bude kasuwarta ga ketare ita ce hanyar da ta dace don inganta kirkire-kirkire.” (Amina Xu)
