EFCC Na Binciken Ba’asin Aikin Tashar Wutar Lantarki Ta Mambila – Minista

Hukumar Yaki da yi wa Tattalin Arzikin Kasa Ta’annuti (EFCC) ta kaddamar da bincike kan aikin samar da wutar lantarki ta Mambilla da aka ware kudi har dala biliyan 6 bayan kwashe shekaru har yanzun babu wani aikin da aka tabuka.

Ministan Wutar Lantarki, Abubakar Aliyu ne ya bayyana haka a lokacin da ya bayyana gaban kwamitin majalisar dattawa kan harkokin wutar lantarki domin kare kasafin kudin 2023 da ma’aikatarsa ta nema.

• An Bukaci Gwamnati Ta Himmatu Wajen Kammala Aikin Wutar Lantarki Ta Mambila

Ministan ya ce,  ma’aikatarsa ta gana da masu ruwa da tsaki kan aikin, a halin yanzu ana kan warware duk wasu batutuwan da suka hana cigaba da gudanar da aikin, inda ya ce batun shari’ar da ake yi kan aikin samar da wutar lantarkin ta Mambilla ta kawo cikas sosai kan ci gaba da aikin.

Shugaban Kwamitin Samar da Wutar Lantarki na majalisa, Gabriel Suswan, ya nuna damuwarsa kan aikin samar da wutar lantarkin, inda ya ce duk da dimbin kason da aka fitar kan aikin na tsawon shekaru, har yanzu babu wani abu da za a iya nuna wa kan Cigaban aikin.

Daga nan ne Majalisar Dattawa ta gayyaci Ministar Kudi, Zainab Ahmed domin ta yi bayani kan wani sabon kudi da aka ware cikin kasafin kudin ma’aikatar wutar lantarkin na aikin samar da wutar lantarkin ta Mambilla.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu