Farashin Man Fetur Ya Ƙaru A Abuja Da Legas

Kamfanin NNPCL ya ƙara farashin litar man fetur a gidajen man da ke Abuja da Jihar Legas.

A gidajen mai mallakin NNPCL, farashin lita ya tashi daga naira 960 zuwa 990, yayin da a gidajen man ƴan kasuwa ya kai Naira 1,030.

• Ma’aikatar Harkokin Wajen Sin: Babu Wanda Zai Ci Nasara A Yakin Cinikayya Ko Yakin Harajin Kwastam
• DSS Ta Maka Mahdi Shehu A Kotu Kan Zargin Ta’addanci

Wannan ƙarin ya sa farashin ya zarce na matatar Dangote, wanda ke fitar da litar mai a kan Naira 955 tare da haɗin gwiwa da gidajen mai irin su MRS, Ardova, da Heyde.

A ranar 17 ga watan Janairu, Matatar Dangote ta sanar da ƙara farashin man da ta ke fitarwa, wanda ya fara shafar gidajen mai.

A Legas, rahotanni sun nuna cewa a ranar Talata, farashin lita a gidajen mai mallakin NNPCL ya tashi daga Naira 925 zuwa 960.