An gudanar da bikin kaddamar da shirye-shiryen da suka shafi ranar gidajen tarihi ta duniya ta shekarar 2026 a gidan tarihi na jihar Mongoliya ta gida da ke arewacin kasar Sin a yau Litinin.
A lokacin bikin, hukumar kula da kayayyakin tarihi ta kasar Sin ta fitar da sabbin alkaluma na ci gaban gidajen tarihi na kasar a shekarar 2025, wadanda suka nuna cewa ya zuwa karshen shekarar 2025, adadin gidajen tarihi da aka yi wa rajista a duk fadin kasar ya kai 7,188, kuma yawan gidajen tarihin da ake iya shiga ba tare da biyan kudi ba ya zarce kashi 91 cikin dari.
A shekarar 2025 kuma, an yi nune-nunen kayan tarihi 45,000, an kuma gudanar da ayyukan ilmantarwa dubu 583, kana an karbi masu ziyara biliyan 1.56. (Bilkisu Xin)
ADVERTISEMENT
Discussion about this post