Gwamna Bago Ya Kaddamar Da Gina Tituna Masu Nisan Kilomita 250 A Neja

Gwamnan jihar Neja, Mohammed Umaru Bago, ya kaddamar da aikin gina titunan cikin gari mai tsawon kilomita 250 daga yankunan Minna, Bida, Suleja, da Kontagora.

Kakakin majalisar dokokin jihar, Abdulmalik Sarikin Daji, ya bayar da shawarar gina kofofin karbar haraji a duk manyan titunan.

• Gwamnan Bauchi Ya Kaddamar Da Aikin Hanyar Liman Katagum Zuwa Luda Zuwa Lekka Kan Biliyan 2.4

Bayan kammala shirye-shiryen aikin titunan, gwamnan ya fara da kaddamar da ginin titin Bida Ring Road mai tsawon kilomita 44 a karamar hukumar Bida.

Gwamna Bago ya ce, gwamnatinsa ta himmatu wajen kawo sauyi a jihar da kuma kawo sabbin sauye-sauye na zamani da za su bunkasa tattalin arzikin jihar.

Ya kara da cewa, hanyar Bida Ring Road tana da mahimmanci a cikin ayyukansa na inganta biranen jihar inda ya ce, hanyar za ta inganta ci gaban tattalin arziki, samar da ayyukan yi, da inganta rayuwa a yankin.

A nasa jawabin a wajen bikin, Kakakin majalisar dokokin jihar, Abdulmalik Sarikin Daji ya bukaci a sanya kofofin amsar kudin shiga akan manyan titunan da ke cikin jihar.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”