Gwamna Yusuf Ya Amince Da Sabbin Naɗin Muƙamai Ga Wasu Jami’ai A Kano

Gwamnan Jihar Kano, Alhaji Abba Kabir Yusuf, ya amince da naɗi da kuma ƙarin girma a wani mataki da nufin inganta shugabanci da kuma samar da ayyuka a manyan sassan jihar.

Hakan na ƙunshe ne a cikin wata sanarwa da mai magana da yawun gwamnan, Sunusi Bature Dawakin Tofa ya sanya wa hannu a ranar Laraba.

Waɗanda aka naɗa su ne kamar haka:

1. Hon. Abdulkadir Balarabe Kankarofi (Alhajij) – Mai Ba da Shawara Kan Harkokin Jinƙai, a ƙarƙashin ofishin Gwamna.

2. Hajia Aisha Tamburawa – Mai Ba da Shawara ta Musamman ga Gwamna kan al’amuran dattako.

3. Injiniya Mukhtar Yusuf – Shugabn kamfanin Albarkatun Ruwa da Gine-gine (WRECA).

4. Zakari Usman Balan – Mataimakin Shugaban WRECA.

5. Dr. Mukhtar Bello Maisudan – Babban Sakataren Hukumar Tallafin Karatu ta Jihar Kano.

6. Injiniya Abba Kankarofi – Babban Daraktan Gudanarwa, Hukumar Kula da Hanyoyi ta jihar Kano (KARMA).

7. Hon. Musayyib Kawu Ungoggo, Manajan Darakta a gidan kula da namun daji (zoo) na Kano.

Gwamna Yusuf ya umarci sabbin jami’an da aka nada da wadanda aka kara wa girma da su yi aiki tukuru don sauke nauyin aikin da aka dora musu ta hanyar sadaukarwa, gaskiya, da jajircewa ga al’ummar Jihar Kano.

Sulaiman

+ postsBio

• Sulaiman

  Ilimi Ne Babban Makamin Daƙile Ta’addanci — Ministan Tsaro
• Sulaiman

  Sin Da Koriya Ta Arewa Na Fuskantar Sabbin Damammaki Da Kudurori In Ji Shugaba Xi Jinping
• Sulaiman

  Kasar Sin Ta Yi Kira Ga EU Ta Hada Hannu Da Ita Domin Inganta Hadin Gwiwar Tattalin Arziki Da Cinikayya A Tsakaninsu
• Sulaiman

  Gwamnatin Borno Ta Musanta Biyan Kuɗin Fansa Domin Kuɓutar da Mutane 360