Tun a farkon bana, ake ta samun karuwar abubuwa cikin kayayyakin da kamfanonin Sin suka samar da ake turawa Turai. Cikin shekaru 2 da suka gabata, motocin fasinja masu amfani da lantarki da batirin lithium da kayayyakin sola, su ake kira da “New Three” watau sabbin abubuwa 3 da ake fitar wa zuwa kasashen waje.
Yanzu mutum mutumin inji da fasahar AI da sabbin magunguna da aka kirkiro, su ne ke nuna alkiblar masana’antu a nan gaba, kuma su ake kira da “New New Three” watau su ne kayayyaki da yanzu Sin ta fi cinikayyarsu da kasashen waje.
Cikin mako na 3 na watan Yuli, samfuran AI na kasar Sin sun gudanar da ayyukan da adadinsu ya kai triliyan 36.11 a kowane mako, adadin da ke kan gaba a duniya cikin makonni 12 a jere.
Haka kuma, cikin rabin farko na bana, yawan mutum-mutumin inji da aka fitar ya isa yankuna da kasashe 141, inda yawan mutum-mutumin inji masu aikin tiyata da aka fitar ketare ya ninka sau 3.3.
Darajar yarjeniyoyin ba da lasisin sabbin magunguna ta kai dala biliyan 110, kana kasar Sin ita ce ta dauki kaso 8 na hada-hadar cinikayyar magunguna 10 da ke kan gaba a duniya. (Mai fassara: Fa’iza Mustapha)
