Gwamna Yusuf Ya Naɗa Muhuyi A Matsayin Shugaban Kwamitin Yaƙi Da Miyagun Ƙwayoyi A Kano

Gwamnan Jihar Kano, Abba Kabir Yusuf, ya amince da kafa wani Kwamitin Musamman Kan Miyagun Ƙwayoyi da Safararsu Ba Bisa Ka’ida Ba, a wani mataki na ƙara ƙaimi wajen yaƙi da matsalar shaye-shayen miyagun ƙwayoyi da laifukan da ke da alaƙa da su a jihar.

Hakan na ƙunshe ne cikin wata sanarwa da mai magana da yawun gwamnan, Sunusi Bature Dawakin Tofa, ya fitar a ranar Alhamis.

Sanarwar ta bayyana cewa an naɗa Muhuyi Magaji Rimin gado a matsayin shugaban wannan sabon kwamitin na musamman.Muhuyi shi ne tsohon Shugaban Hukumar Karɓar Ƙorafe-ƙorafen Al’umma da Yaki Da Cin Hanci, kuma ana kallonsa a matsayin ɗaya daga cikin fitattun masu yaƙi da cin hanci da rashawa a jihar.

Gwamnatin jihar ta bayyana cewa an kafa kwamitin ne domin samar da haɗin gwiwa tsakanin hukumomi daban-daban wajen Tarwatsa hanyoyin safarar miyagun ƙwayoyi da cibiyoyin masu fataucinsu; Hanzarta gurfanar da masu laifi a gaban kotu; Rage yawan masu amfani da miyagun ƙwayoyi ta hanyar wayar da kai da ilimantar da al’umma.

Matakin na daga cikin ƙoƙarin gwamnatin Kano na magance matsalar shaye-shaye, musamman a tsakanin matasa, da kuma rage tasirin laifukan da ke da alaƙa da miyagun ƙwayoyi a cikin al’umma.

Sulaiman

+ postsBio

• Sulaiman

  Ding Xuexiang Ya Halarci Taron Kolin CIFTIS Tare Da Ganawa Da Manyan Jami’an Kasashen Waje
• Sulaiman

  Sin Ce Ta Zo Ta Farko A Rahoton Yanayin Tsaron Jama’a Na Duniya
• Sulaiman

  Sin Ta Ciri Tuta Game Da Rawar Gani Da Take Takawa A Fannin Warware Kalubalen Tsaro A Gabas Ta Tsakiya
• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace