A yau Alhamis, hukumar makamashi ta kasar Sin ta sanar da cewa, ya zuwa karshen watan Mayu da ya gabata, adadin injunan samar da wutar lantarki da Sin ta samar ya kai kilowatts awa biliyan 4.01, adadin da ya zama mafi yawa da wata kasa ke iya samarwa a duniya.
Ya zuwa yanzu, yawan injunan samar da wutar lantarki mamarasa aiki da makamashin fetur da kwal da aka kafa, ya zama babban karfi a fannin samar da wutar lantarki, matakin da ya sa tsarin makamashi na kasar ke ci gaba da ingantu.
Yanzu yawan injunan samar da wutar lantarki masu aiki da makamashin kwal ya ragu daga kashi 61% a shekara ta 2010 zuwa kashi 32% a watan Mayu na shekarar nan ta 2026. Kazalika, yawan injunan samar da wutar lantarki masu aiki da makamashin da ba na dangogin carbon ba ya karu daga kashi 25% a shekara ta 2010 zuwa kashi 62% a watan Mayun bana.
Har ila yau, yawan injunan samar da wutar lantarki masu aiki da makamashin da ake iya sabuntawa ya karu daga kashi 24% a shekara ta 2010 zuwa kashi 61% a watan Mayun na bana.
Bugu da kari, samar da wutar lantarki daga makamashi mai tsabta mai yawa, a kuma farashi mai rahusa, ya aza ingantaccen tubali ga kwaskwarimar masana’antu na cikin gida, da tabbatar da wadatar wutar lantarki ga rayuwar jama’a, da kuma bunkasa sabbin masana’antu. (Amina Xu)
