Gwamnatin Jihar Oyo ta ayyana 1 ga watan Agusta na 2022 a matsayin ranar hutu don shiga sabuwar shekarar MusuluncI wacce ta yi daidai da ranar 1 ga watan Muharam bayan hijira ta 1444 AH.
Hakan na kunshe cikin wata sanarwar da Sakatariyar gwamnatin jihar, Olubamiwo Adeosun, ta fitar a jihar.
Sakatariyar ta kara da cewa, an kuma tura wannan sanarwar ga sauran hukumomin gwamnatin jihar.
ADVERTISEMENT
Kazalika, Gwamnan jihar ya yi fatan daukacin alumar jihar za su yi amfani da damar hutun wajen yin addu’o’in samun zaman lafiya da hada kai da kuma kara samun ci gaban jihar ta Oyo da kasa baki daya.
