An fitar da “Rahoton hadin gwiwar makamashi da ake iya sabunta amfani da shi tsakanin Sin da nahiyar Afirka na shekarar 2026” a jiya Laraba. Tun daga manyan ayyuka mafiya muhimmanci, har zuwa kyawawan kananan ayyukan jin dadin jama’a da ake hanzarta gudanarwa, hadin gwiwar makamashi da ake iya sabunta amfani da shi tsakanin Sin da Afirka na hanzarta samun ingantaccen ci gaba zuwa wani sabon mataki.
Rahoton ya nuna cewa, a cikin ayyukan hadin gwiwar Sin da Afirka tsakanin shekarar 2023 zuwa 2026, yawan na bangaren samar da wutar lantarki ta karfin ruwa, da na iska da hasken rana na da girman gaske kuma da tasiri mai karko, inda suka zama alamar hadin gwiwar makamashi tsakanin Sin da Afirka.
A halin da ake ciki yanzu, ana kuma aiwatar da ayyukan kirkire-kirkire na hadin gwiwa ta fannonin yin amfani da zafin rana, ajiyar makamashi da kafa tsarin samar da lantarki ga mahakar ma’adinai da sauransu, matakin da ya ba da tallafi mai muhimmanci wajen binciko hanyoyin fasaha da suka dace da Afirka, da samar da tsarin hadin gwiwa da za a iya maimaita da yadawa a nihiyar.
Ban da wannan kuma, rahoton ya nuna cewa, adadin wuraren da ake samun wutar lantarki a Afirka ya tashi daga kashi 42% a shekarar 2015 zuwa kashi 57% a shekarar 2024, kuma ana ci gaba da samarwa kowa makamashi.Kazalika, rahoton ya nuna cewa, a halin yanzu, hadin gwiwar makamashi da ake iya sabunta amfani da shi tsakanin Sin da Afirka na fuskantar damammaki da kalubale tare, kuma na da makomar hadin gwiwa mai haske.(Amina Xu)
