Harin Jirgin Kasa: Ana Zargin Macizai da Kunamu Sun Kashe 9 Cikin Mutanen da Aka Sace

Kwanaki 85 kenan da sace fasinjojin jirgin Abuja zuwa Kaduna, kimanin mata 50, yara da maza na cigaba da zama a tsare a mafakar ‘yan bindigan dake cikin dazuka.

Rahotannin sun nuna cewa sakamakon Ruwan sama da ake tafkawa, Macizai da Kunamo sun harbi wadanda suke tsaren, Mutum 9 daga cikinsu sun mutu sakamakon harbin da kuma mawuyacin halin da suke Ciki.

• Mai Juna Biyu, Mai Yi Wa Kasa Hidima Da Wasu Sun Mutu A Hatsarin Jirgin Ruwa A Bayelsa

Hakan ya fito ne ta bakin mai baiwa Sheikh Ahmad Gumi shawara kan harkokin yada labarai, Malam Tukur Mamu, wanda ya shiga tsakani wajen ganin an sako fasinjoji 11 daga cikin fasinjojin jirgin da aka sace kwanan nan.

Mamu ya ci gaba da cewa galibin wadanda harin jirgin kasan ya rutsa da su, da kyar za su iya rayuwa nan da ‘yan makonni masu zuwa saboda tabarbarewar yanayin kiwon lafiyarsu da kuma mawuyacin halin da suke fuskanta a dajin.

Mamu ya jaddada cewa dole ne a dauki matakin ceton su idan gwamnati na son yawancinsu su dawo da rai.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”