Akalla mutum takwas (8) ne suka rasa rayukansu a wani mummunar hatsarin mota da ya wakana a daidai kauyen Kili da ke kan babban hanyar Darazo zuwa Kari a jihar Bauchi ranar Alhamis.
Hatsari wanda ya faru sakamakon fashewar tayar mota Shawon mai lamba BCH 465 XA wacce ake kabu-kabu da ita.
- Mutum 14 Sun Mutu, 5 Sun Jikkata A Hatsarin Mota A Bauchi
- Mutum 15 Sun Mutu A Hatsarin Jirgin Ruwa A Sakkwato
Kwamandan shiyya na hukumar kiyaye aukuwar hadari (FRSC) a jihar Bauchi, Yusuf Abdullahi, ya sanar ta cikin rahoton farko-farko (FIR) cewa adadin mutum 15 ne hatsarin ya rutsa da su, da suka kunshi maza manya 4, mata manya 6, maza yara 2, da yara mata 3.
A fadin sanarwar, wadanda suka jikkata mutum bakwai din sun hada da na miji babba daya, mata manya hudu, da kuma maza yara 2.
Sannan wadanda suka mutu din su 8 ne, manyan maza 3, manyan mata 2, yara maza 2 da mace karama 1.
Hatsarin wanda ya samu asali sakamakon fashewar tayar mota.
Kuma an kwashi wadanda suka mutu zuwa dakin ajiye gawargwaki da ke Darazo haka su ma wadanda suka jikkatan.
