Hukumar Gidan Gyara-hali Ta Nijeriya Ta Tabbatar Da Harin Gidan Yarin Kuje, Abuja

Hukumar da ke kula da gidajen yari ta Nijeriya NCoS, a safiyar Laraba, ta tabbatar da harin da wasu ‘yan bindiga suka kai a Cibiyar ta da ke Unguwar Kuje a Abuja.

A wata sanarwa da mai magana da yawun NCoS, Umar Abubakar, wanda LEADERSHIP ta samu, hukumar ta ce har yanzu ba ta gano wadanda suka kai harin ba.

• Wani Abun Fashe Wa Da Ake Zaton Bom Ne Ya Tashi A Gidan Yarin Kuje Da Ke Abuja

Sanarwar ba ta kuma bayyana ko an samu asarar rayuka ko fasa gidan yarin sakamakon harin ba.

“Ina so in tabbatar da cewa da misalin karfe 10:00 na daren Talata, wasu ‘yan bindiga da ba a san ko su waye ba sun kai hari a cibiyar Gidan Gyara-hali da ke Kuje a babban birnin tarayya.

“Jami’an tsaron cibiyar da sauran jami’an tsaro da ke kula da tsaron cibiyar sun samu nasarar dakile harin kuma tuni al’amuran cibiyar suka koma dai-dai.

“Za mu kawo Sauran bayanai nan ba da jimawa ba,” in ji Abubakar.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi