Hukumar NDLEA Ta Cafke Wani Basarake Da Miyagun Kwayoyi A Jihar Sakkwato

Hukumar hana sha da fataucin miyagun kwayoyi (NDLEA) reshen jihar Sakkwato, ta cafke wani dillalin kwaya, dagacin kauyen Ruga a karamar hukumar Shagari, Umar Muhammad.

Da yake magana da manema labarai a ranar Talata, shugaban hukumar na jihar, Adamu Iro, yace an cafke wanda ake zargin ne bayan aiki da wasu bayanan sirri da hukumar tayi. Rahoton jaridar Labarun Hausa.

• Sai Mun Yi Gwajin Miyagun Kwayoyi Kafin Daura Aure A Abuja – NDLEA

Iro yace, “Hukumar ta dade tana bibiyar Basaraken kan zarginsa da ta’ammuli da miyagun Kwayoyi.

“Da farko, mun kama matar shi dauke da miyagun kwayoyi, amma mun sake ta bayan bincike ya nuna kwayoyin na mijinta ne.

“A ranar Litinin mun samu nasarar cafke dagaci Umar Muhammad dauke da tabar wiwi mai nauyin kilogiram 436.381 da kilogiram daya na Diazepam a gidan shi.”

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu