Jami’an ‘Yansanda 5 Sun Mutu, 11 Sun Jikkata Sakamakon Hatsarin Mota A Kano

Rundunar ‘yansandan jihar Kano ta tabbatar da mutuwar jami’anta biyar a wani mummunan hatsarin mota da ya afku a garin Karfi da ke karamar hukumar Kura a jihar.

Kakakin rundunar ‘yansandan Kano, Abdullahi Kiyawa, wanda ya tabbatar da faruwar lamarin a ranar Talata, ya ce, wasu jami’an ‘yan sanda 11 sun samu raunuka a hadarin.

• Ilimi: Gwamna Yusuf Ya Raba Wa Makarantun Kano Kujerun Zama 73,000
• Zargin Ta’addanci A Zamfara: Matawalle Ya Ƙalubalanci Gwamna Dauda Su Yi Rantsuwa Da Alƙur’ani

Ya ce hatsarin ya afku ne a kauyen Karfi da ke karamar hukumar Kura yayin da jami’an ke dawowa cikin garin Kano daga wani aiki da aka tura su a hukumance.

“Hatsarin ya faru ne a garin Karfi mai tazarar kilomita kadan zuwa Kano, kuma biyar daga cikin jami’an sun mutu sakamakon hatsarin yayin da wasu 11 suka samu raunuka.

“An tattaro cewa, motar da jami’an ‘yansandan ke ciki ta yi karo ne da wata tirela a kauyen.

“Jami’ai 5 ne suka mutu nan take yayin da wasu 11 kuma suka samu raunuka daban-daban aka garzaya da su asibitin kwararru na Murtala Mohammed inda a yanzu haka suke samun kulawar likitoci.”

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”