Jihohin Filato Da Bauchi Da Gombe Za Su Fuskanci Matsalar Wutar Lantarki – JED

Kamfanin rarraba Wutar Lantarki da ke Jos (JED) ya ce kwastomominsa a jihohin Filato, Bauchi da Gombe za su fuskanci matsalar wutar lantarki daga ranar 28 ga watan Agusta zuwa 2 ga watan Satumba.

Kamfanin ya ce, karancin wutar zai fara ne daga karfe 9 na safe zuwa 5 na yamma.

• Nijeriya Na Asarar Gangar Danyen Mai 400,000 A Kullum – NSA

A cikin wata sanarwa da shugaban kamfanin, Dakta Friday Iliya, ya fitar a ranar Asabar a Jos, ya bayyana cewa, kamfanin rarraba wutar lantarki na kasa TCN ne ya nemi a dakatar da wutar don baiwa injiniyoyi damar sake inganta wutar kamfanin ta hanyar dasa wasu sabbin kayan aiki.

Amma za a cigaba da samun wuta ta hanyar babban layin wutar lantarki (330kv) da ya taso daga Kaduna zuwa Jos.

Don haka sanarwar ta yi kira ga kwastomomin kamfanin da su yi hakuri su jure halin da za a shiga, tare da jaddada cewa kamfanin ya kuduri aniyar inganta ayyukansa don jin dadin kwastomominsa.

Sulaiman

+ postsBio

• Sulaiman

  Kwararrun Sin Da Na DRC Sun Tattauna Matakan Hadin Gwiwa Na Dakile Cutar Ebola
• Sulaiman

  Shugaban Sin Na Jagorantar Bunkasa Dangantakar Sin Da Koriya Ta Arewa A Sabon Zamani
• Sulaiman

  Nijeriya da Habasha Sun Ƙulla Yarjejeniyar Dawo Da Fursunonin Nijeriya Sama da 100
• Sulaiman

  Na Yi Matuƙar Mamakin Sammaci A Kaina – Mele Kyari