Ma’aikatar masana’antu da fasahar sadarwa ta kasar Sin ta ba da labari cewa, adadin cibiyoyin fasaha na kasar ya kai 179, inda suka zama muhimmin dandalin hadewar kirkire-kirkire na fasaha da masana’antu sosai kuma babban fagen ci gaban masana’antar fasaha mai zurfi. A shekara ta 2025, cibiyoyin fasaha na kasar sun samar da jimillar kayayyakin da suka kai darajar Yuan tiriliyan 20.4, wanda adadin ya kai kashi 14.5 cikin 100 na yawan GDPn kasar Sin.
Bayanan sun nuna cewa, a shekara ta 2025, jimillar karin darajar masana’antu da aka samu a manyan cibiyoyin fasaha na kasar ta wuce Yuan tiriliyan 10, wadda ta kai kashi 24.1 cikin 100 na jimillar da aka samu a daukacin kasar. Kazalika, yawan cinikin shige da fice da kayayyaki ya ci gaba da karuwa cikin kwanciyar hankali, inda jimillar cinikayyar fitar da kayayyaki da hidimomi ga ketare ta kai Yuan tiriliyan 9.8. (Amina Xu)
Discussion about this post