A kwanakin baya, shugabanni da wakilan kamfanonin kasa da kasa fiye da 300, sun hallara a birnin Qingdao na kasar Sin, don halartar taron koli na shugabannin kamfanonin kasa da kasa na birnin Qingdao karo na 7, don cin gajiyar damar kasar Sin, a taron da ya gudana bisa taken “Gudanar da kirkire-kirkire a nan gaba, a yayin shirin raya kasa na shekaru biyar-biyar karo na 15 na kasar Sin”.
A gun taron, shugabannin kamfanonin kasa da kasa su kan bayyanawa ‘yan jarida muhimmiyar jimlar “Yin kokari tare”, wanda hakan ya shaida cewa, an samu sauyi dangane da huldar dake tsakanin jarin waje da kasar Sin.
Game da kasancewar shirin raya kasa na shekaru biyar-biyar karo na 15 na kasar Sin, taswirar aiwatar da ayyukan kamfanoni masu jarin waje, a kasuwannin kasar Sin a nan gaba, mataimakin shugaban kamfanin Revvity na kasar Amurka, kuma babban manajan reshen kamfanin dake kasar Sin Liu Jiang, ya ce shirin ya sa kaimi ga bunkasa, da yin kirkire-kirkire a fannin kiwon lafiya da magani, da samar da manufofi da goyon baya baki daya.
Bisa shirin, kamfanin Revvity ya rungumi manufar yin hadin gwiwa da samun ci gaba tare da kasar Sin, a fannin yin kirkire-kirkire. (Zainab Zhang)
