Kasar Sin ta gabatar da matakan nazari game da kokarin gina kasar Sin mai kyakkyawan muhalli, da zummar inganta kare muhalli da rage fitar da hayakin carbon da samun kyautatuwa ta kowacce fuska kan alakar muhallin halittu da kuma daukacin muhalli.
Daftarin matakan wanda ofishin kwamitin kolin JKS da na majalisar gudanarwar kasar suka fitar, ya ce nazarin manyan burikan da ake son cimmawa a shekara, zai shafi ingancin iska da ruwa da muhallin teku da yanayin kasa da karewa da takaita gurbata muhalli da shara da kuma ingancin alakar halittu da muhallinsu.
Daftarin ya kuma zayyana muhimman ayyukan nazari, ciki har da dabarun rungumar hanyoyin kare muhalli da rage fitar da hayakin carbon da takaita gurbatar yanayi da kokarin bunkasa mabambantan muhallin halittu da tabbatar da daidaito da dorewar muhallin halittu da kuma amincin muhallin. (Fa’iza Mustapha)
