Kotu Ta Kori Karar Da Aka Shigar Kan Tsige Shugaban ‘Yansanda Na Kasa

Mai shari’a James Omotosho na wata babbar kotun tarayya da ke zamanta a Abuja, ya yi watsi da karar da ke neman sauke babban sufeton ‘yan sanda, IGP Alkali Baba Usman daga matsayinsa.

Kotun ta yi watsi da karar da wani mai rajin kare hakkin Jama’a, Micheal Sam Idoko ya shigar da shugaban kasa Muhammadu Buhari da wasu mutane hudu, sabida rashin caccantar karar.

• Mutum 17 Sun Tsira Daga Hatsarin Jirgin Ruwa A Legas

A hukuncin da ya yanke, Mai shari’a Omotoso ya yi amfani da sashe na 7 (6) na dokar ‘yan sanda ta shekarar 2020 wanda ya sanya wa’adin kowane Sufeto Janar na ‘yan sanda yayi shekaru hudu a kan mukaminsa.

Alkalin kotun ya ce ritayar Alkali Baba Usman daga aikin ‘yan sandan Nijeriya ba ta da alaka da nadin da aka yi masa, wa’adin shekaru hudu na ofis yana nan da sahihancinsa.

Baya ga haka, Mai shari’a Omotoso ya ce wanda ya shigar da karar da ya yi ikirarin cewa, shi mai rajin kare hakkin al’umma ne, ba shi da hurumin shigar da kara a madadin al’umma.

Sulaiman

+ postsBio

• Sulaiman

  Sultan Ya Gargaɗi Malaman Addini Kan Kare Masu Cin Hanci Da Rashawa
• Sulaiman

  ’Yansanda Sun Ƙwato Motoci 52, Sun Kama Masu Laifi 177 A Mako Guda
• Sulaiman

  Kada Ku Ɗauki Nauyin Aikin Hajji Da Kuɗaɗen Da Aka Sace — Sultan Ga ’Yan Siyasa
• Sulaiman

  Ya Kamata Kowane Dan Nijeriya Ya Samu Horon Soja – Ministan Tsaro