Babbar kotun tarayya da ke Abuja ta umarci Gwamnan Jihar Imo, Hope Uzodinma, da ya daina gabatar da kansa a matsayin ɗan takarar jam’iyyar APC a zaɓen Sanatan Imo ta Yamma da aka shirya gudanarwa ranar 16 ga watan Janairu, 2027.
Mai shari’a Obiora Egwuatu ne, ya bayar da umarnin a ranar Alhamis, 29 ga watan Oktoba, 2026, bayan ya yanke hukuncin cewa Uzodinma bai lashe zaɓen fidda gwani na APC da aka gudanar ranar 18 ga watan Mayu ba, wanda Hukumar Zaɓe Mai Zaman Kanta ta Ƙasa (INEC) ta sanya ido a kansa.
Alƙalin ya ce shaidun da aka gabatar a gaban kotu sun nuna cewa tsohon gwamnan jihar Imo, Rochas Okorocha ne, ya samu mafi yawan ƙuri’u a zaɓen fidda gwanin.
Kotun ta kuma umarci APC da ta miƙa sunan Okorocha ga INEC a matsayin ɗan takararta na kujerar Sanatan Imo ta Yamma a zaɓen 2027.
