Kotun Koli Ta Tabbatar Da Dauda Lawal A Matsayin Gwamnan Zamfara

Kotun koli ta tabbatar da zaben Dauda Lawal na jam’iyyar PDP a matsayin Gwamnan Jihar Zamfara. 

Kotun koli ta yi watsi da hukuncin da kotun daukaka kara ta yanke, wadda ta bayyana zaben gwamnan jihar a matsayin wanda bai kammala ba.

• Kotun Koli Ta Tabbatar Da Abba Kabir Yusuf A Matsayin Zababben Gwamnan Kano
• Shari’ar Kano: Gwamna Yusuf Da Mataimakinsa Sun Halarci Zaman Kotun Koli

Dan takarar jam’iyyar APC a zaben gwamnan jihar, Bello Matawalle na rike da mukamin karamin ministan tsaro.

Matawalle ya zargi INEC da yin watsi da nasarar da ya samu a zaben ta hanyar kasa hada sakamakon wasu yankunan a jihar.

Kotun kolin ta yi watsi da karar Matawalle tare da tabbatar da Dauda Lawal a matsayin halastaccen Gwamnan jihar.