EFCC Ta Kama Tsohon Gwamnan Anambra Chris Ngige A Abuja

An kama tsohon gwamnan Jihar Anambra kuma tsohon ministan ƙwadago, Chris Ngige, a Abuja.

Yanzu haka yana hannun Hukumar EFCC.

• Sojoji Sun Kashe ’Yan Bindiga 11, Sun Ƙwato Makamai A Sakkwato
• Gwamnatin Neja Ta Miƙa Yara 100 Da Aka Ceto Ga Iyayensu

Wannan bayani ya fito ne a daren ranar Laraba ta bakin tsohon mai taimaka masa kan yaɗa labarai, Fred Chukwulobe.

Chukwulobe, ya ƙaryata jita-jitar da ke yawo cewa an yi garkuwa da Ngige.

Ya ce, “Dr. Chris Ngige yana hannun EFCC. Za a yi ƙarin bayani daga baya.”

A kwanakin baya, an samu labari cewa wasu ‘yan bindiga sun kai wa tawagar motocin Ngige hari a Jihar Anambra, amma ba ya cikin ayarin lokacin da lamarin ya faru.