“Ku Ragargaji ‘Yan Ta’adda, Ba Sani Ba Sabo” —Shugaban NAF

Shugaban Rundunar Sojin Sama (CAS), Air Marshal Oladayo Amao, ya karfafa gwiwar kwamandojin rundunan sojojin sama ta Nijeriya (NAF) dake gudanar da tsaro a yankuna daban-daban na kasar nan da su ragargaji ‘yan ta’adda su nuna musu ‘ba sani ba sabo’.

Air Marshal Amao ya ba da wannan karfin gwiwar ne a lokacin da ya gana da manyan kwamandojin rundunarsa a sansanin NAF da ke Kaduna a ranar Talata.

• Ta’addanci: Al’ummar Garin Mada Ta Jihar Zamfara Suna Barin Gari

A wata sanarwa da Daraktan hulda da Jama’a da Yada Labarai na NAF (DOPRI) Air Cdre Edward Gabkwet ya fitar, yace Shugaba CAS Amao ya yaba wa kwamandojin bisa namijin kokarin da suke yi wajen yaki da ‘yan ta’adda da kuma inganta hadin gwiwa da ‘yan uwantaka da sauran hukumomin tsaro.

Amao ya jaddada bukatar yin cikakken aiki da dukkan kayan yaki na NAF da aka tura domin share duk wata barazanar ‘yan ta’addan da suka addabi shiyyar Arewa maso Yamma da Arewa ta Tsakiya.

Ya ce irin wannan makaman za su hana ‘yan ta’addan samun ‘yancin walwala tare da karfafa kwarin gwiwar jama’a da kuma tabbatar da kasa mai zaman lafiya.

Sulaiman

+ postsBio

• Sulaiman

  Muhallin Halittu Da Aka Yi Gado A Kasar Sin Sun Samu Ci Gaba Ta Fuskar Ba Su Kariya
• Sulaiman

  Sake Jan Damarar Soja Da Japan Ke Yi Karin Alama Ce Mai Hadari
• Sulaiman

  Shugaban Majalisar Bayar Da Shawara Kan Harkokin Siyasa Ta Kasar Sin Ya Yi Kira Da A Raya Dangantakar Gabobi Biyu Na Mashigin Tekun Taiwan Cikin Lumana
• Sulaiman

  Sin Ta Zama Abin Koyi Na Sauyi Da Ci Gaba Ga Kasashe Da Dama, In Ji Shalva Papuashvili