Ya zuwa yanzu, jimillar kudin shiga da aka samu daga tikitin kallon fina-finai a lokacin hutun zafi na 2026, ciki har da na tikitin da aka sayar kafin fitowar fim, ya wuce Yuan biliyan 8, inda kudin shiga da ake samu a kowace rana ya ci gaba da wuce Yuan miliyan 100 a cikin tsawon kwanaki 27 a jere.
A wannan lokaci, an gabatar da fina-finai fiye da 120 na cikin gida da na kasashen waje daya bayan daya, wadanda suka hada da na nau’ikan tarihi, da barkwanci da Kungfu da Cartoon, da kagaggun labaran kimiyya da sauransu.
Tun bayan fitowar Fim din Cartoon da ke kira “Ba Xian!”, wato “All Wishes Come True”, kudin shiga da yake samarwa na ci gaba da karuwa a hankali, kuma ya ci gaba da samun karbuwa. Ya zuwa yanzu, kudin shiga da fim din ya samar ya wuce Yuan biliyan 1.3, wanda ya zama daya daga cikin fitattun fina-finai a shekarar 2026.
Yanzu, fim din ba tattalin arzikin kallo fina-finai kadai ya shafa ba, har ma shi ne tsarin harkoki mai shafar miliyoyin kudade dake fadada mabambantan sana’o’i da habaka bukatu na cikin gida, da kuma ciyar da tattalin arziki gaba. (Amina Xu)
