Da safiyar yau Laraba 24 ga watan Yuni, firaministan kasar Sin Li Qiang ya gabatar da jawabi a bikin bude dandalin tattalin arzikin duniya na lokacin zafi ko DAVOS na 2026 a birnin Dalian.
Cikin jawabin nasa Li Qiang ya ce, shugaba Xi Jinping na kasar Sin ya taba cewa, tabbatar da kirkire-kirkire shi ne mabudin tabbatar da samun ci gaba, kuma kirkire-kirkire makoma ce ta ci gaban bil’adam. Dangane da aikin raya tattalin arzikin Sin, Li ya gabatar da labaran kirkire-kirkire na Sin ga mahalarta taro, ya kuma bayyana tunaninsa game da hadin gwiwar kirkire-kirkire na duniya.
Ya ce na farko, an fara aiwatar da shirin raya tattalin arziki da zamantakewar al’umma na shekaru biyar-biyar karo na 15, da tattalin arzikin Sin na fannin sauye-sauye da yawa. Sin tana da kwarin gwiwa da karfin tabbatar da kyakkyawar bunakasa da ta samu a farkon shekara, kuma za ta ci gaba da samun ingatanccen ci gaba mai dorewa.
Na biyu, kirkire-kirkire shi ne mabudin bunkasar tattalin arzikin Sin mai dorewa. Abubuwan da sabbin fasahohi da kayayyakin Sin suke kawowa duniya ba tsokana da barazana ba ne, a maimakon hakan, dama ce da kwarin gwiwa.
Na uku, hadin gwiwar kirkire-kirkire zabi ne na duniya ta fuskar warware matsalolin ci gaban duniya. Sin za ta kara fadada izinin shiga kasuwarta, da ci gaba da samar da kyakkyawan yanayin kasuwanci, kuma tana maraba da kamfanonin kasashe daban-daban, da su zuba jari a kasar da rarraba sabbin damammakin ci gaban Sin. (Amina Xu)
