Matakin gargajiya da kowa ya sani na zabar kwararru a tarihin Sin shi ne “Malam Bole ya zabi dawaki”, inda aka kwatanta yadda masani mai suna Bole ya dogaro da kwarewarsa da idon basira wajen zabar dawaki masu iya gudu, da aikin zabar kwararru.
Sai dai jam’iyyar kwaminis ta Sin JKS ta yi watsi da wannan tsarin da aka saba, kuma ta kirkiri sabon tsarin zabar jami’ai na “zabar jami’ai bisa ayyukan da suka gudanar a fagen aikinsu a wurare daban-daban a fadin kasar Sin”, inda ake iya auna kwarewarsu bisa sakamakon aikinsu na hakika da yadda suka magance matsaloli.
Wannan tsari yana da muhimman ka’idoji 3 da dole ne a bi, wato biyayya ga jama’a da jam’iyyar da hana karbar hanci da rashawa da bin ka’idoji, kana da sauke nauyin dake wuyansu yadda ya kamata, wadanda su ne ma’aunin JKS na zabar jami’anta.
Wannan ma’auni, ba ma kawai ya gina tsarin horar da jami’ai da kwararru mai sigar musamman ta Sin ba, ya kuma ba da shawara irin ta Sin ga gwamnatocin jam’iyyu a kasashen duniya wajen inganta kwarewar jami’ansu.
Daga kafa ma’auni mai muhimman ka’idoji 3 zuwa zabar kwararru a fagen aikinsu, har zuwa tattara manyan kwararru a duk fadin kasar, wannan tsarin zabar jami’ai da ya samo asali daga al’adun gargajiya na Sin, ya kuma dace da bukatun zamani, yana kuma ci gaba da inganta kwarewar jami’ai, da ba da tallafi mai karfi wajen zamanantar da kasar Sin da farfado da al’ummar kasar.(Amina Xu)
