An gudanar da babban taron ranar biranen duniya na shekarar nan ta 2026, da kuma bikin bayar da lambar yabo ga birane, kan ci gaba mai dorewa a duniya karo na 4, wato Lambar Yabon Shanghai a jiya Asabar, a birnin Fuzhou dake lardin Fujian.
Mamban ofishin siyasa na kwamitin koli na jam’iyyar kwaminis ta kasar Sin, kuma mataimakin firayin ministan kasar He Lifeng, ya halarci bikin bude taron, don baiwa biranen da suka samu lambar yabo kyaututtuka tare da gabatar da jawabi.
Birane biyar da suka samu lambobin yabo a wannan karon, sun hada da Addis Ababa na Habasha, da Santiago de Cali na Colombia, da Istanbul na Turkiye, da Jingdezhen na Sin, da kuma Katowice na Poland.
Kafin kaddamar da bikin, He Lifeng ya kuma gana da Anacláudia Marinheiro Centeno Rossbach, daraktar zartarwa ta hukumar kula da matsugunan dan Adam ta MDD. (Safiyah Ma)
